麵類·章

地點：SungaI Long 乾盤麵，KK Mart同排，详细路标请点击查看Waze。

機緣巧合之下回返大學城，熟悉的環境喚起大學時的心情，乘機食返以前日日食極都唔厭嘅大學美食！

由一個檔口仔一路做到有間店鋪，實屬不易，發展得如日中天！有實力嘅終歸有發威一日！就係呢檔詩巫乾盤麵（Sarawak Kampua Mee)

首先，我十分鍾意食扁肉（類似於雲吞），一係肉餡醃的夠味，二係湯底有加上紅酒，兩者配合的十分開胃。再來乾盤麵係自家製，麵條唔煮的太軟，保留返麵勁的嚼勁，再將同樣係自家牌的炸洋蔥，叉燒，肉碎，青蔥連同豬油醬油攪拌，可想而知味道係幾咁豐富！

除左招牌麵，仲有新菜色，就係古晉叻沙（Kuching Laksa)。其實我並未真正試過正宗傳統嘅古晉叻沙，所以味道上會以檳城叻沙作為基礎比較。

湯底我覺得更像係咖喱參叻沙，配料上是以煎蛋皮，叉燒，雞絲，香菜同三巴（Sambal醬）配佶仔（Lime)，完全別於傳統的檳城叻沙常規配料-青瓜絲，黃梨片，洋蔥絲，薄荷葉，辣椒絲，生菜絲，同靈魂蝦膏。

當然這叻沙係加添左道地的飲食習慣而成，整體味道還算不錯。好食即得！

好，食評時間到！此店其他食物不在其評分內！

[The Big Eater-man食评标准]#乾盤麵
•極推薦

[The Big Eater-man食评标准]#扁肉
•極推薦

[The Big Eater-man食评标准]#古晉叻沙
•滿意

人在江湖食不由己

食言无忌

TheBigEaterMan

食物 #Foodporn #食控 #肥 #吃貨

乾盤麵 #古晉叻沙 #叻沙 #扁肉 #雲吞 #叉燒 #檳城

sungailongkampua #kampuamee

sungailong #Selangor

小吃·章

地點：思鄉菜粿，新潮茶室，Restaurant Pandan Jaya , One Living 電器店後面，詳細路標請點擊查看Waze.

搬來新區已有一段時間，嚮新區尋食經驗慢慢累積，殊不知附近女友係面書報導發覺竟然有檔火紅小食，銷售額仲可以達到日賣3000幾粒！

好！一定要試下！

原來這火紅小食就係菜粿，屬於潮州代表性傳統食物，外皮呈透明晶瑩，裡面餡料，分為四種，芋頭，金瓜，沙葛同韭菜。

以我所知傳統菜粿皮係由澄麵粉再加上薯粉捻製，加入餡料後，再擺落個火爐大火蒸，雖然我唔係潮州人，食時的缺少了份本土情懷，但係相信呢份小吃雖簡單卻不純粹！

4種味道全都試完，個人最喜歡沙葛同金瓜，沙葛本身並不帶味道但係經調味悶煮後，味道十分滿意。再來金瓜相信係用機械打攪，食落時並無任何碎渣，十分幼細，一食即嘗盡金瓜自帶的甜味，其餘兩個表演都十分滿意，認真推薦網友們可以親身試試！

好，長話短說，食評時間到！此店其他食物不在其評分內！

[The Big Eater-man食评标准]#菜粿
•極推薦

人在江湖食不由己

食言无忌

TheBigEaterMan

食物 #Foodporn #食控 #肥 #吃貨

菜粿 #潮州 #金瓜 #沙葛 #芋頭 #韭菜 #本土

新潮茶室 #restaurantpandanjaya

pandanjaya Selangor #kl

炒粉·章

地點：雄記福建面專賣店，太子園Petronas油站附近，详细路标请点击查看Waze.

到左月頭，又係時候要補倉，去左超市買完日常用品，行左成日腳軟無力，實要醫返個肚，大補元氣元神啊！

兜兜轉轉又係返番去附近花園嘅喂食街，食大排檔炒粉～

大約係5點幾，都仲未到晚餐時間，所以等左陣就即炒好，好啊啊，真系好鬼餓⋯⋯

叫左碟單份炒飯，燜伊麵同福建面（即大碌面）

首先，燜伊麵同炒粉有著同樣特色，都帶有酒香味，燜炒時鍋氣再加上花雕酒更加能揮發香味，燜伊麵之前都有食過類似的但炒飯陣酒香味真係好讓我驚喜！

伊麵並唔係一般用的粗身麵而係扁身，麵燜的岩岩好，軟中卻保留返個口感，再配上豬油渣，味道十分滿意，黃金組合～

至於炒飯，我個人首選係喜歡落叉燒粒，青蔥一齊同飯炒，雖然佢係用臘腸配長豆粒但係口感確實唔差，臘腸味加分！

福建面係好蝦人煮，因為麵條偏粗，面本身味道唔係十分帶味，極易煮的過火導致太軟，所以除左生麵係最難炒，第二絕係福建面！呢碟福建面煮的夠軟但若味道能再加重些，顏色再深色些，相信會更加優秀！

好，食評時間，同樣此檔口其他食物不算在其評分內！

[The Big Eater-man食评标准]#炒飯

•極推薦

[The Big Eater-man食评标准]#福建面

•滿意

[The Big Eater-man食评标准]#燜伊麵

•極推薦

#人在江湖食不由己

#食言无忌

#TheBigEaterMan

#食物 #Foodporn #食控 #肥 #吃貨

#炒粉 #炒飯 #福建面 #燜伊麵 #豬油渣

#太子園 #太子園喂食街 #雄記福建面專賣店

#Tamanmuda #tamanmudapetronas

快餐·章

地點：Aris Burger Bangi，McDonald 對面十字路口旁邊，详细路标请点击查看Waze。

前幾日係面書讀到一個食物分享Post關於一個由聾啞人士經營的漢堡包街邊檔，好！決定今晚去支持！

到達時，其實已經都接近收檔時間，好彩都仲可以落單，係道要同大家分享下這個檔口的一點不同。

檔口係由兩個20歲出頭嘅後生仔，皆係聾啞人士，一位負責煎煮，另一位負責打包同備料。落單時，佢地已經準備左個簿子同筆，自己寫低想食的餐單，等候片刻，佢會寫低價錢或直接找埋錢比你。

最特別係，佢地餐牌除了有一般嘅雞肉片，仲有Kampung雞肉片（即是鄉下走地雞非農場飼料雞），十分難得，因為一般Kampung雞較貴，數量有限，多數比酒樓或餐廳訂購。

味道十分唔錯，份量非常有誠意，特色係佢地有放自家嘅醬汁，全部食材都係由聾啞福利公司專為佢地提供，所以同一般的檔口稍微有些分別。

自強不息，自立更生的生活態度十分重要，有些人四肢健全，溫室長大，但係卻怨天怨地，怒怨公平，甚至遊手好閒，終日期望一朝發達，以為旁門左道行捷徑就可以活得不可一世。

所以我地要以佢地為正面借鑑，當懦弱時可以尋求鼓勵，低落時可以自我激勵，其實社會，人生的卻係充滿唔公平，但係沉靜之後又可以以打不死的心態活到老！Beyond！

好，食評都係要比嘅，此店其他食物不在其評分內！

[The Big Eater-man食评标准]#漢堡包Burger
•極推薦

人在江湖食不由己

食言无忌

TheBigEaterMan

食物 #Foodporn #食控 #肥 #吃貨

Burger #漢堡包 #OKU #聾啞人士 #AyamKampung

Arisburger #programpembangunanusahawan

Bangi #kl

麵類·章

地點：麗豐茶餐室， Kedai Kopi Lai Foong，仙四師爺宮正對面，Bangkok Bank對面同排，详细路标请点击查看Waze。

一般來到吉隆玻茨場街，
第一感受會係環境熱鬧，都市繁榮，人潮洶湧～
其實真實感受係，熱到非常，極度塞車，外勞爆棚！

隨著時代變遷，由當時極為繁榮的華人街逐步沒落到現在的外勞水貨街（老翻即翻版），真真悲哀又可惜。歷史時空見證著呢一切，可幸係古董級的建築同僅存的美食得以保留，代代相傳至今。

今日並唔係食咩古董時空餐，而係試下陀地（道地）嚮嗮朵嘅啦啦粉！

等後多時，呢碗聽聞連辦公室OL都為之瘋狂的啦啦麵終於擺在眼前！
首先，啦啦份量令我點頭，花雕酒香隨後攻鼻，可見辣椒姜絲伴遊於湯面，望落佢確實晤差！

再來核心靈魂湯頭，由花雕，米酒為最基礎，再配上椒辣同姜辣經油爆同啦啦一齊落湯猛火滾微時，辣配酒香，湯頭絕對於合格之上。

純屬個人提議，若米粉可改用粗身米，粉勁同口感效果會加些分，
再來，啦啦肉身稍微細左啲，但念在份量都算適中，所以唔洗大打折扣～

整體品嚐體驗，還算滿意，若要胃部知，除非親身試！網友可到此一試！

好，食評時間，此店其他食物不在其評分內！

[The Big Eater-man食评标准]#啦啦米粉
•滿意

人在江湖食不由己

食言无忌

TheBigEaterMan

食物 #Foodporn #食控 #肥 #吃貨

啦啦 #啦啦粉 #上湯 #辣椒 #姜絲 #米粉

茨場街 #華人街 #歷史 #古董

麗豐啦啦米粉 #laifoonglalanoodle #kedaikopilaifoong

jalantunhslee #kl

燒臘·章

地點：明記叉燒王，Restoran Meng Kee Char Siew，Glenmarie 工業區，瑭記海南茶餐室對面，详细路标请点击查看Waze。

上個禮拜，因上網安裝問題，寬頻公司一直拖延，憤而直上總部尋得個明白！有時生活真係除左比你煩惱，同時亦會附送返個安慰獎。

快要接近時突然唸返附近有間出名燒臘，專科叉燒，又名叉燒王，皆因之前因工作上而得知此鋪，今日有緣到此，好！儘管去食個究竟！

望落店鋪並無華麗裝修，一般食肆相貌，反而更顯得其臥虎藏龍之格。叉燒必點，一碟燒雞下莊，試下口氣大兼稱王之店會如何呈現呢2樣餸！

首先，燒雞無論係色，味，肉都十分滿意。

燒臘上色極為重要，皮水（指燒前搽於雞身的特製水）若調的靚，明火燒時才不易焦兼色香俱全。燒雞皮夠脆，同時雞夠身，不然太細肉散，太老肉硬，加分係醬汁落到即止，有啲師傅燒臘燒的靚可惜上碟前醬汁生抽落的重，淨返個鹹抽味！

肥瘦基本原則都兼備，外皮脆伴軟口肥肉接瘦肉部分，
叉燒最難係醃料比例，味甘帶鹹伴隨微微蜜汁，果然無令人失望！
欣賞係叉燒並無淋上汁但係足以讓你齒頰留香，十分好食！值得一試！

過後，雖然安裝問題依然解決唔到，但此行卻成功滿足我食靈，呢個安慰獎都算唔話得～

好，食評時間，此店其他食物不在其評分內！

[The Big Eater-man食评标准]#燒雞
•極推薦

[The Big Eater-man食评标准]#叉燒
•極推薦

人在江湖食不由己

食言无忌

TheBigEaterMan

食物 #Foodporn #食控 #肥 #吃貨

燒臘 #燒臘飯 #燒雞 #叉燒 #中餐 #叉燒王 #五香粉

明記叉燒王 #Restorantmengkeecharsiew

雲吞麵 #油飯

selangor #kl #glenmarie #Shahalam

西餐·章

地点：Restorant Ampang Western & Chinese Cuisine 安邦中西茶餐室，Apollo Tyres鸿合轮胎汽车服务同排， Wisma Ampang Triangle对面天桥傍边，详细路标请点击查看Waze。

其實好味道到底要如何定義？我相信因人而異，因為除了味道之外，賣相，料落足，價錢或是回憶都足以影響人對於食物的最後評價。

呢件餐廳，無論係擺設，食物，環境，經營模式都像徵著90年代的典型中西餐廳，如果要以現代千禧年的標準去評論，我覺得併不公平。皆因日新月異，每日都不斷膨出新氣象，新事物，我唔認為傳統或是過時的就要被當下的標準而遭受唾棄。

我覺得現在食物都太傾向於花俏擺盤而唔太講究味道同烹飪技巧，畢竟舊時食物難求難買，所以烹飪時絕唔會浪費任何食材，盡可能烹調出色的佳餚。魔法般的分子料理，風靡一時的奶茶潮，起司被氾濫的加用，中西騎呢（奇怪意思））組合等，逐漸讓大眾對於食唔再講究，由基本的出菜快，味道靚，食物正變成食物貴，打卡靚，氣氛正的新常態。

呢間餐廳，我建議網友們食時能暫時放開現代的食評枷鎖，試下感受返以前西餐廳的環境氣氛同尚未復雜化的食物。古早味唔一定歸納於好味範圍，而係一種食左會令你懷念過去的品嚐體驗。

好，我會以舊時的標准給予食評，此店其他食物不在其評分內！

[The Big Eater-man食評標準]#蓝带鸡扒

•极推荐

[The Big Eater-man食評標準]#海南鸡扒

•滿意

#人在江湖食不由己#食言無忌#TheBigEaterMan #食物#Foodporn #食控#肥#吃貨#中西餐#海南餐#海南雞扒#藍帶#藍帶雞扒#牛油包#90年代#回憶#古早味#怀旧#Restoranampangwestern&chinesecuisine #安邦中西茶餐室#ampang #ampangpoint