Author Archives: The Big Eater-man

地點：SungaI Long 乾盤麵，KK Mart同排，详细路标请点击查看Waze。 機緣巧合之下回返大學城，熟悉的環境喚起大學時的心情，乘機食返以前日日食極都唔厭嘅大學美食！ 由一個檔口仔一路做到有間店鋪，實屬不易，發展得如日中天！有實力嘅終歸有發威一日！就係呢檔詩巫乾盤麵（Sarawak Kampua Mee) 首先，我十分鍾意食扁肉（類似於雲吞），一係肉餡醃的夠味，二係湯底有加上紅酒，兩者配合的十分開胃。再來乾盤麵係自家製，麵條唔煮的太軟，保留返麵勁的嚼勁，再將同樣係自家牌的炸洋蔥，叉燒，肉碎，青蔥連同豬油醬油攪拌，可想而知味道係幾咁豐富！ 除左招牌麵，仲有新菜色，就係古晉叻沙（Kuching Laksa)。其實我並未真正試過正宗傳統嘅古晉叻沙，所以味道上會以檳城叻沙作為基礎比較。 湯底我覺得更像係咖喱參叻沙，配料上是以煎蛋皮，叉燒，雞絲，香菜同三巴（Sambal醬）配佶仔（Lime)，完全別於傳統的檳城叻沙常規配料-青瓜絲，黃梨片，洋蔥絲，薄荷葉，辣椒絲，生菜絲，同靈魂蝦膏。 當然這叻沙係加添左道地的飲食習慣而成，整體味道還算不錯。好食即得！ 好，食評時間到！此店其他食物不在其評分內！ [The Big Eater-man食评标准]#乾盤麵•極推薦 [The Big Eater-man食评标准]#扁肉•極推薦 [The Big Eater-man食评标准]#古晉叻沙•滿意 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 乾盤麵 #古晉叻沙 #叻沙 #扁肉 #雲吞 #叉燒 #檳城 sungailongkampua #kampuamee sungailong #Selangor

地點：思鄉菜粿，新潮茶室，Restaurant Pandan Jaya , One Living 電器店後面，詳細路標請點擊查看Waze. 搬來新區已有一段時間，嚮新區尋食經驗慢慢累積，殊不知附近女友係面書報導發覺竟然有檔火紅小食，銷售額仲可以達到日賣3000幾粒！ 好！一定要試下！ 原來這火紅小食就係菜粿，屬於潮州代表性傳統食物，外皮呈透明晶瑩，裡面餡料，分為四種，芋頭，金瓜，沙葛同韭菜。 以我所知傳統菜粿皮係由澄麵粉再加上薯粉捻製，加入餡料後，再擺落個火爐大火蒸，雖然我唔係潮州人，食時的缺少了份本土情懷，但係相信呢份小吃雖簡單卻不純粹！ 4種味道全都試完，個人最喜歡沙葛同金瓜，沙葛本身並不帶味道但係經調味悶煮後，味道十分滿意。再來金瓜相信係用機械打攪，食落時並無任何碎渣，十分幼細，一食即嘗盡金瓜自帶的甜味，其餘兩個表演都十分滿意，認真推薦網友們可以親身試試！ 好，長話短說，食評時間到！此店其他食物不在其評分內！ [The Big Eater-man食评标准]#菜粿•極推薦 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 菜粿 #潮州 #金瓜 #沙葛 #芋頭 #韭菜 #本土 新潮茶室 #restaurantpandanjaya pandanjaya Selangor #kl

地點：雄記福建面專賣店，太子園Petronas油站附近，详细路标请点击查看Waze. 到左月頭，又係時候要補倉，去左超市買完日常用品，行左成日腳軟無力，實要醫返個肚，大補元氣元神啊！ 兜兜轉轉又係返番去附近花園嘅喂食街，食大排檔炒粉～ 大約係5點幾，都仲未到晚餐時間，所以等左陣就即炒好，好啊啊，真系好鬼餓⋯⋯ 叫左碟單份炒飯，燜伊麵同福建面（即大碌面） 首先，燜伊麵同炒粉有著同樣特色，都帶有酒香味，燜炒時鍋氣再加上花雕酒更加能揮發香味，燜伊麵之前都有食過類似的但炒飯陣酒香味真係好讓我驚喜！ 伊麵並唔係一般用的粗身麵而係扁身，麵燜的岩岩好，軟中卻保留返個口感，再配上豬油渣，味道十分滿意，黃金組合～ 至於炒飯，我個人首選係喜歡落叉燒粒，青蔥一齊同飯炒，雖然佢係用臘腸配長豆粒但係口感確實唔差，臘腸味加分！ 福建面係好蝦人煮，因為麵條偏粗，面本身味道唔係十分帶味，極易煮的過火導致太軟，所以除左生麵係最難炒，第二絕係福建面！呢碟福建面煮的夠軟但若味道能再加重些，顏色再深色些，相信會更加優秀！ 好，食評時間，同樣此檔口其他食物不算在其評分內！ [The Big Eater-man食评标准]#炒飯 •極推薦 [The Big Eater-man食评标准]#福建面 •滿意 [The Big Eater-man食评标准]#燜伊麵 •極推薦 #人在江湖食不由己 #食言无忌 #TheBigEaterMan #食物 #Foodporn #食控 #肥 #吃貨 #炒粉 #炒飯 #福建面 #燜伊麵 #豬油渣 #太子園 #太子園喂食街 #雄記福建面專賣店 #Tamanmuda #tamanmudapetronas

地點：麗豐茶餐室， Kedai Kopi Lai Foong，仙四師爺宮正對面，Bangkok Bank對面同排，详细路标请点击查看Waze。 一般來到吉隆玻茨場街，第一感受會係環境熱鬧，都市繁榮，人潮洶湧～其實真實感受係，熱到非常，極度塞車，外勞爆棚！ 隨著時代變遷，由當時極為繁榮的華人街逐步沒落到現在的外勞水貨街（老翻即翻版），真真悲哀又可惜。歷史時空見證著呢一切，可幸係古董級的建築同僅存的美食得以保留，代代相傳至今。 今日並唔係食咩古董時空餐，而係試下陀地（道地）嚮嗮朵嘅啦啦粉！ 等後多時，呢碗聽聞連辦公室OL都為之瘋狂的啦啦麵終於擺在眼前！首先，啦啦份量令我點頭，花雕酒香隨後攻鼻，可見辣椒姜絲伴遊於湯面，望落佢確實晤差！ 再來核心靈魂湯頭，由花雕，米酒為最基礎，再配上椒辣同姜辣經油爆同啦啦一齊落湯猛火滾微時，辣配酒香，湯頭絕對於合格之上。 純屬個人提議，若米粉可改用粗身米，粉勁同口感效果會加些分，再來，啦啦肉身稍微細左啲，但念在份量都算適中，所以唔洗大打折扣～ 整體品嚐體驗，還算滿意，若要胃部知，除非親身試！網友可到此一試！ 好，食評時間，此店其他食物不在其評分內！ [The Big Eater-man食评标准]#啦啦米粉•滿意 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 啦啦 #啦啦粉 #上湯 #辣椒 #姜絲 #米粉 茨場街 #華人街 #歷史 #古董 麗豐啦啦米粉 #laifoonglalanoodle #kedaikopilaifoong jalantunhslee #kl

地點：明記叉燒王，Restoran Meng Kee Char Siew，Glenmarie 工業區，瑭記海南茶餐室對面，详细路标请点击查看Waze。 上個禮拜，因上網安裝問題，寬頻公司一直拖延，憤而直上總部尋得個明白！有時生活真係除左比你煩惱，同時亦會附送返個安慰獎。 快要接近時突然唸返附近有間出名燒臘，專科叉燒，又名叉燒王，皆因之前因工作上而得知此鋪，今日有緣到此，好！儘管去食個究竟！ 望落店鋪並無華麗裝修，一般食肆相貌，反而更顯得其臥虎藏龍之格。叉燒必點，一碟燒雞下莊，試下口氣大兼稱王之店會如何呈現呢2樣餸！ 首先，燒雞無論係色，味，肉都十分滿意。 燒臘上色極為重要，皮水（指燒前搽於雞身的特製水）若調的靚，明火燒時才不易焦兼色香俱全。燒雞皮夠脆，同時雞夠身，不然太細肉散，太老肉硬，加分係醬汁落到即止，有啲師傅燒臘燒的靚可惜上碟前醬汁生抽落的重，淨返個鹹抽味！ 肥瘦基本原則都兼備，外皮脆伴軟口肥肉接瘦肉部分，叉燒最難係醃料比例，味甘帶鹹伴隨微微蜜汁，果然無令人失望！欣賞係叉燒並無淋上汁但係足以讓你齒頰留香，十分好食！值得一試！ 過後，雖然安裝問題依然解決唔到，但此行卻成功滿足我食靈，呢個安慰獎都算唔話得～ 好，食評時間，此店其他食物不在其評分內！ [The Big Eater-man食评标准]#燒雞•極推薦 [The Big Eater-man食评标准]#叉燒•極推薦 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 燒臘 #燒臘飯 #燒雞 #叉燒 #中餐 #叉燒王 #五香粉 明記叉燒王 #Restorantmengkeecharsiew 雲吞麵 #油飯 selangor #kl #glenmarie #Shahalam

地點：Restaurant Sen Kee，pandan Jaya，详细路标请点击查看Waze。 搬家已有一段時間，生活其實無咩大幅度改變，唯有改變最明顯係，要重新搵過新區邊度有靚野食～ 對於我心中的美食菜單同肚腩都具有挑戰性！ 晚餐時間到左，兜下附近睇下有咩美食吸引我，兜左幾轉，決定去試下角落頭間茶餐室。希望Food Hunt任務順利通過！ 事頭婆埋來落單，我叫左份咕嚕肉飯，往往越簡單同普通的菜式，越能反映出廚房的實力，所以要煮出傳統菜餚，大前提實力要夠紮實！ 等無幾耐，食物隨杯茶上桌，首先，咕嚕肉整體睇起來，賣相十分吸引，飄著陣陣香甜酸味。豬肉所選的部位加分，個人認為炸咕嚕肉，最好係用五花肉（即三層肉），肥同肉兼備，沾粉後炸再翻炸，外脆內嫩兼帶有肉汁，口感一定正一定爆！不負眾望，炸肉方面過！關！ 醬汁的甜同酸味比例適中，唔會太失平衡，唯獨挑剔一句，醋落的多了些，微醋能加強食慾，點綴味道，可惜醋落的偏多些，導致味道帶有醋嗆，若單單食汁，醋的過度刺激會麻痺味官，同時搶盡咕嚕肉最基本的甜酸味。 配料方面基本合格，蔥，青瓜，番茄，燈籠椒都具備。撇開醋味過重的問題，若基礎可加些波羅塊（黃梨），可以讓這盤經典的廣東菜，更加原汁原味，更加道地！ 好！評分時間，此店其他食物不在其評分內！ [The Big Eater-man食评标准]#咕嚕肉飯•滿意 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 煮炒 #咕嚕肉 #廣東菜 #咕嚕肉飯 #晚餐 #醋 #甜 #酸 青瓜 #燈籠椒 #蔥 #番茄 Restoransenkee #新生記茶餐室 #ampang #pandanJaya

地點：Cendol & Rojak Taman Kosas, 詳細路標請點擊查看Waze 昨日心血來潮想食甜品，但係我個人又不太喜歡雪糕，蛋糕，奶茶等甜食，唸唸下，一於去食本地甜品-Cendol 煎堆！ 經過九曲十三彎，翻綠越紅，終於到達Waze所推薦的Cendol House，店面睇落讓我對佢都有幾番信心，希望唔係那種店紅食物一般的“人雲亦雲牌子”食肆。 坐落唔耐，Kak（馬來大姐統稱）前來落單，兩人點左一份Cendol Biasa（普通意思）同一碟Rojak，下午茶有著落～ 等待中，同自來貓玩玩下～ 食完後叻，就評評下Cendol先，味道係不錯，椰糖未至於十分濃，但係都達標準，食時除左甜味之外仲有陣陣椰香味。冰沙岩我口味，唔會刨起的太細太幼反而是細中帶有薄薄冰片，增加口感！青煎堆本身自帶有鹹味，讓整碗甜食不會因為一直食甜而膩，反而鹹味中和返甜味的刺激。 再來，Rojak表演的還好，份量同料都適中，但係味道可以再重些，辣度可以再加添些少，讓整體感覺可以更加豐富。另外花生碎若可以再細一點，加長烘烤時間，相信花生味會更加搶眼又開胃！挑剔多一句，醬汁顏色可以帶紅些，唔會讓Rojak睇起太過於單調。 好，小食配小評，是給予評分時候，此店其他食物不在其評分內！ [The Big Eater-man食评标准] #Rojak•滿意 [The Big Eater-man食评标准] #Cendol•滿意 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 小吃 #下午茶 #Cendol #Rojak #煎堆 #椰糖 #花生 #CendolDurian Cendol&RojakTamanKosas #TamanKosas ampang #kl

地點：Pandan Indah Shell油站同排，紅綠燈正前面，详细路标请点击查看Waze。 今日一覺醒來感覺異常強烈想吃燒臘飯！ 從起身，梳洗，到準備出門都已經接近3點多，於是打消去較遠的地點，選了附近間燒臘鋪來滿足今日的食慾～ 由於時間關係，燒臘所剩無幾，剩返燒雞可選，本想食叉燒但無計，鬼叫我地訓到那麼遲才醒。。連我最愛的雞肯（即雞胃）都一覽而空。。。 好！雞二度（即雞上脾）兩碟來！ 首先，燒臘除左要用明火燒的靚，燒的香，燒的亮，燒的焦，燒的脆之外，油飯都是關鍵之一！一啖飯一塊燒臘，要如何將兩種味道配合恰當刺激味蕾，都十分講究。 油飯份量都算大份，飯中香茅味微飄，食落有微微蔥頭仔香，牛油味尚可接受不會過濃過膩，但係我個人認為用來煲飯的雞湯可以再濃些，讓雞湯精華能通過飯來盡情揮發。 燒雞表演的可圈可點，雞肉不太韌性，燒的干中帶軟，內部並無殘留血水，醃製的五香粉不會太多或分佈的不均勻，皆因有些燒臘師傅無將醃料擦的運純（均勻意思）導致有些部分過鹹，令味蕾負荷過重，無法享受！ 雖然我個人係歡喜燒雞偏干身但係這碟燒臘整體而言，值得一試，能滿足我食慾的需求～ 附送例湯雖然唔講的上係老火靚湯，但係係用燒骨來煲，可以品嚐到湯裡有燒骨的精髓同油香，再配合埋燒臘飯，讓呢個極為基礎的組合，加添優勢，絕對值得稱讚。 好！下次再試下其餘燒臘，現在給予食評，此店其他食物不在其評分內！ [The Big Eater-man食评标准]•極推薦 人在江湖食不由己 食言无忌 TheBigEaterMan 食物 #Foodporn #食控 #肥 #吃貨 燒臘 #燒臘飯 #燒雞 #叉燒 #中餐 #老火湯 #五香粉 樂足料 #RestorantLokZokLiu 火焰叉燒 #藥材燒鴨 #帝皇咖喱 #白咖喱皇 ampang #Pandanindah #pandanindahshellpetrol